Eg pakkar sekken, tar med meg kamera og spenner skia. Omringa av fjell, snø og frisk luft befinn eg meg der vi som friluftlivsmenneske trivst best. Ved å ferdast fritt gjennom dei norske fjellandskapa oppstår det ein relasjon mellom menneske, dyr og natur. Men kva skjer når denne relasjonen byrjar å svikta, når miljøet endrar seg og både snøen og isbreane smeltar?
I dette prosjektet tar eg føre meg ein tematikk om korleis tilhøvet vårt til naturen endrar seg saman med miljøet. Gjennom maleri gjenskapar eg opplevingar frå friluftslivet. Eg avbildar surrealistiske møte mellom dyr og menneske for å framstilla eit fellesskap og ein konflikt. Det å kunne kombinera min lidenskap for friluftsliv med kunst, har blitt ei viktig og sentral rolle i mitt kunstnarskap
